إيناس عز الدين تنفي زواجها من عمرو الليثي ..وتعلق: "أنا متجوزة أحمد قمر"

كشفت المطربة إيناس عز الدين، تفاصيل متعلقة بزوجها، نافية ما يتم تردده من شائعات على مواقع التواصل الاجتماعي بأن زوجها هو عمرو الليثي. 

وقالت إيناس عز الدين: "يا جماعة أنا متجوزة دكتور أحمد قمر مش دكتور عمرو الليثي خالص والله وهو حتى مش شبهه و النعمة".

وتابعت:"نقطة تانية جوزي الفرق بيني و بينه ٨ سنين بس مش متجوزة راجل كبير وانا عيلة صغيرة علشان الواحد بيقرأ العجب و جوزي مش عجوز اصلاً ولا انا صغيرة بضفاير انا بس اللي عيلتنا كلها كل ما نكبر شكلنا يصغر و علشان انا بس اللي شكلي مسخوطة.. انا ٣٠ سبتمبر اللي جاي هكمل ٣٩ سنة هو بس اللي مش بيصبغ زيي ومن زمان عنده شيب مبكر من وهو في العشرينات لكن هو حبيبي شباب ربنا يبارك في عمره".

وأضافت:"نقطة تالتة احنا مش عرسان جداد احنا من قديم الأزل مع بعض من العصور الوسطى  ١٧ سنة و مكملين بس قولوا يا رب".